دورة انجليزي

انشالله يساعدونج الاخوات لاني ما اخذت بصراحه

والله يوفقج

انا قد سجلت في نيو راهزن

ودرست برب كورس بالف ريال
وبعدها ليفل ون لمده شهرين 1700 وبس

وهذا المعهد وبصرااحه انا كنت مييح بالانقليزي وخلصت منهم وما زلت ميح لانهم خلووني اطب في الصعب مرره وحده


وبعدها درست في معهد متوواضع 700 ريال بالشهر واللله استفدت اكثرررر


بس نيورايزن فيها حسنه وحده ان مره يالاسبووع يخلونك تجلسين مع بريطااانيه تسولفين معها في جلسه مع البناات ولا تتكلمين ولا كلمه انجليزي

حتي انا ودي ادرس

بس كل ماأسأل شخص دارس يقوول مااستفدت واولهم

اخوي درس كثير دورات ومااستفاد ولمن سافر صاار تمام

والله احترنا ياريت اللى تعرف بجده تفيدنا

هي والله انا بعد ابى ....

بس اخوي صراحه يوم سافر بعد الحين الانجليزي بل بل ..

شكلنا لازم نسافر ... هههههه

يعطيكم الف عافية

العنزية
طيب استفدتي من الدورات يعني تشوفين نفسك اوكي في الانجليزي

اهات
والله مشكلة دفع فلوس وتعب ع الفاضي

لابتوبي
الظاهر كذا يبغالها سفرة علشان نتعلم

انا صديقتي دخلت البرتش كونسل اللي بالشعب اعتقد لكنها للاسف ما استفادت شي
انا عن نفسي ناويه آخذ دوره فبريطانيا لمدة ثلاث شهور انا اعرف والحمدلله لكن ابغى اقوى
والدراسه فالخارج تعلم لغه افضل
ونصيحه اذا تبين تتعلمين دائما حطي عالاخبار الانجليزيه اسمعي الاكسنت حتى لو ماتفهمي وخلك من متابعي اوبرا انا تعلمت كثيييييييييييييييييير من برنامجها فوق ماتتصوي..اذا انتي من النوع اللي يسمع الاغاني اسمعي انجليزي حتى لو ماتفهمين ..حاولي تتكلمي مع اختك او صديقتك بالانجليزي بتغلطين كثير لكن بعدين بتتعدلين ...نسيت اقولك انا اول ما اسمع كلمه جديده ارددها على طول واسجلها على اساس ارجعلها لو نسيتها.....مع الوقت راح تتعلمين صدقيني
انا مدربتي الشخصيه حقتي اجنبيه ودايم اجبر نفسي اتكلم معها وتقويت كثير الممارسه هي اللي تتعلم

الاخت عيني تحبك البرتش كونسل موجود بالمنصورية مو بالشعب يمكن صديقتج داخلة معهد ثاني اما عني دخلت دورة الانجليزي العام والله ثم والله استفدت بشكل كبييييييييييييييييير وبين مستواي بالكلية الحمدلله حصلت على A والأستماع صار عندي ممتااااااااااااز والكتابة الحمدلله مافي أخطاء
والاهم من هذا كله يبقى في نفسج حب تعلم اللغة

المجلس البريطاني أخوي على مااعتقد

درس فيه ومااستفاد شي انا اقول يمكن وول ستريت تمام

ولا شو رأيكــم

وعليكم السلام ورحمة الله وبركاته ..

خواتي اهم شيء يوم تختارون معهد تشوفون المدرسين شو جنسيتهم ولهجتهم .. واذا فيه ناس معاكم بالكلاس.


البريتش كاونسل الصراحه ما عليها كلام وشهاداتهم معترف فيها في كل مكان ..

اما سالفه حد دخل معهد واستفاد وحد ثاني دخل نفس المعهد وما استفاد.. فهذه لأنها تعتمد على الشخص نفسه بعد .. التدريس روحه ما يكفي.. لازم تمارسون اللغه .. تتكلمون فيها.. تسمعونها .. تقرون كتب بالانجلش

تقرون مجلات .. كتب مقالات الخ.. وعشان جيه فيه ناس من غير ما تدخل اي معهد الانجلش عندها وايد اوكي .. وناس ما تخلي معهد الا وتجربه وما تطلع بشيء..


وجربوا تكتبون ولو جمله وحده بالانجلش هنيه .. حتى لو غلط.. اللي ما يغلط ما يتعلم

والله يوفقكم

:flower: :flower:

موفقة